VOLKSKOOL FAMILIE
-
- Gestig 1922
Laer Volkskool is in 1922 gestig as die eerste Afrikaansmedium skool in die ou Kaapland. C.J. Langenhoven het die skool se leuse - ONS SAL HANDHAAF - voorgestel en die skool het sodanig gegroei dat die Hoër- en Laer Volkskool sedert 1954 apart van mekaar funksioneer. Tog is die skole steeds nou verbind aan mekaar in hul doel en strewe.
Onlangse nuusberigte - vir meer berigte klik op die skakels onder Nuusberigte - Kwartaal.
Kopiereg © 2016 - Alle Regte Voorbehou - Laer Volkskool Graaff-Reinet
Die eerste 4 seuns en dogters tennisspanne het die naweek van 31 Oktober 2019 tot 3 November 2019 aan die Joycelyn Marais Tennistoernooi deelgeneem. Hierdie naweek het net weer bewys al is ons 'n klein skool hoef ons glad nie vir groter skole terug te staan nie.
Die dogters het onder andere vir Willem Postma van Bloemfontein gewen en moes uitspeel vir 5de & 6de plek. Hulle het gelykop teen Aliwal Noord gespeel en toe met potte verloor en eindig dus 6de.
Die seuns het vir Laerskool Stellenbosch gewen, gelykop geeindig teen Eikestad B en moes uitspeel vir 3de en 4de plek. Teen die tyd het die moeilike wedstryde hul tol geeis. Ons verloor teen Willem Postma en eindig dus 4de
Dankie aan die seuns en dogters vir 'n naweek van goeie tennis endat julle deurentyd julle beste gegee het. Ons is trots op julle.
Gedurende die naweek van 11 – 13 Oktober 2019 het Laer Volkskool die Graad 5 leeringe wat in 2020 Landsdiens wil doen, genooi om saam met die huidige Graad 6 leerlinge te gaan kamp te Skietfontein.
Daar was 20 nuwelinge wat baie opgewonde in die bussies geklim het. Soos gewoonlik het oom Jannie nie die kinders teleurgestel nie en het hulle die aller lekkerste kos geëet en aktiwiteite gedoen. Daar was kettie skiet, Slingshot, paintball, hindernisbaan, perdry, nagmars, stokbrood maak en natuurlik die hoogtepunt, die modderbaan. Daar was ook heerlik geswem. Natuurlik gaan Landsdiens nie net oor die lekker dinge nie en was daar bietjie Liefde vir Arbeid ook gedoen deur Spekbome te plant. Saam met die kinders het die nuwe Landsdiens juffrouens ook die hindernis- en modderbaan geniet.
Ons by LVS Landsdiens is baie opgewonde oor die nuwe lede vir 2020. Vir die graad 7’s wat ons verlaat. Sterkte vir Hoërskool. Ons gaan julle mis en hoop julle gaan aan met Landsdiens.
Voor: Tiaan Fourie, John Read, Layton Meshilinie (Onder-Hoofseun), Rikus Kleyn (Hoofseun), Nina Loots (Hoofdogter), Dominique Botha (Onder-Hoofmeisie), Janine Coetzer, Saré Viljoenbr>
Agter: Joshua du Toit, Lua Bouwer, Casper Bekker, Zandré Lambrecht, Alwyn van Jaarsveld, Nicolene Bezuidenhout, Sarah Jacobs, Elizke Gouws.
Die graad 1's het Donderdag, 17 Oktober 2019, vertrek vir hulle jaarlikse graad 1 uitstappie na Port Elizabeth. Hulle het die Auto Paviilion besoek waar hulle meer geleer het van die ontstaan van motors. Daarna is die leerlinge na 'n "touch farm" waar hulle die geleentheid gehad het om meer uit te vind oor verskillende diere. By Bayworld sien hulle verskillende slange asook Dinosaurusse. Die leerlinge het natuurlik ook 'n draai by die see gemaak. Daar was 'n paar wat hulle voete vir die heel eerste keer in hulle lewe in die seewater kon druk. Dankie aan al die juffrouens en ouers wat saam met die graad 1's op die uitstappie gegaan het en gesorg het dat ons leerlinge altyd veilig was.
Op 12 Oktober 2019 het Diniso Matayi en Deidre Alberts aan die Bay Gas Dash Byeenkoms in PE deelgeneem. Ons is trots op julle twee!
Die uitslae is soos volg:
Diniso Matayi (Seuns o.11)
3de in die 80m uitdunne
2de 100m uitdunne
Deidre Alberts (Dogters o.9)
2de in die 60m
2de in die 80m.
Die Eastern Cape Archery Confederation het Casper Bekker, Adriaan Blignaut en Freddie van der Mescht met erekleure vereer vir NASP archery.
LVS leerders Bianca Fitzgerald, Adriaan Blignaut, Xander Keyser en Freddie van der Mescht het deelgeneem aan NMU se pretdag. Hier staan hulle met hulle sertifikate - onder die top 30-leerders in die Oos-Kaap streek. Bianca is algeheel in die derde plek in die Wetenskap-afdeling.