Saterdag, 12 Augustus 2023, het die laaste boogskiet kompetisie vir die jaar teen ander skole en klubs van die Oos-Kaap by Daniël Pienaar in Uitenhage plaasgevind.
‘n Totaal van 82 skuts het teen mekaar meegeding in die Oos-Kaap Kampioenskappe vir ‘n plek in die Oos-Kaap span. Daar is in die Bull’s Eye (BE) en 2D gekompeteer. Dit was nogal ‘n nuutjie om van 3D na 2D te verander, maar ook hier het die skuts bewys dat hulle hulle nie sommer so van stryk sal laat bring deur verandering nie.
Baie geluk aan Conrad Kleyn, Eben Lötter en Helen Grobbelaar wat hulle OP-kleure verwerf het en gedurende die vakansie aan die Nasionale kompetisie in Gauteng gaan deelneem. Welgedaan aan al drie van julle! Ons is trots op julle!
Die volgende skuts het medaljes ontvang:
Layla de Beer
2D – brons
Eben Lötter
2D – brons
Bull’s Eye – goud
Helen Grobbelaar
Bull’s Eye – brons
Conrad Kleyn
Bull’s Eye – brons
