Laer Volkskool het Woensdag, 15 Februarie 2023, ‘n uitstappie onderneem na Cradock vir die jaarlikse atletiekbyeenkoms van ons o.7, o.8 en o.9 atlete. (Hierdie atlete was in die top drie ná die kleure-atletiek.)
Ongelukkig is die byeenkoms vroeg gestop as gevolg van reën en weerlig. Die 60m uitdunne het wel plaasgevind, maar die 80m moes gekanselleer word. Daar is ook nie finale gehardloop nie.
Al was almal nat en koud, was dit steeds ‘n genotvolle uitstappie en die bus moes natuurlik eers stop vir lekker warm kos.
