𝑮𝒓𝒂𝒂𝒅 7’𝒔 𝒗𝒆𝒓𝒌𝒆𝒏 𝑲𝒂𝒂𝒑𝒔𝒕𝒂𝒅 – ’𝒏 𝒕𝒐𝒆𝒓 𝒐𝒎 𝒏𝒐𝒐𝒊𝒕 𝒕𝒆 𝒗𝒆𝒓𝒈𝒆𝒆𝒕 𝒏𝒊𝒆!

Die opgewondenheid was tasbaar toe Volkskool se Graad 7-klas op 30 September op hul Kaapstad-toer vertrek het. Die pad stad toe was lank, maar vol lag, gesels en groot verwagting – want dít is die hoogtepunt van die jaar!

In Kaapstad het die groep ’n bietjie van alles beleef – van die kleurvolle wêreld onder die see by die 𝗧𝘄𝗲𝗲 𝗢𝘀𝗲𝗮𝗻𝗲 𝗔𝗸𝘄𝗮𝗿𝗶𝘂𝗺, tot die blink skatte wat hulle self by die 𝗦𝗰𝗿𝗮𝘁𝗰𝗵 𝗣𝗮𝘁𝗰𝗵 kon optel. By 𝗚𝗿𝗼𝗼𝘁𝘁𝗲 𝗦𝗰𝗵𝘂𝘂𝗿 en 𝗧𝘆𝗴𝗲𝗿𝗯𝗲𝗿𝗴 het hulle ’n voorproef van die fassinerende wêreld van mediese wetenskap gekry, en besef watter ongelooflike deurbrake mense soos dr. Chris Barnard moontlik gemaak het. Dit was leer en verwondering in een – met elke stop ’n nuwe ontdekking.

Die 𝗖𝗼𝗼𝗹 𝗥𝘂𝗻𝗻𝗶𝗻𝗴𝘀-𝗿𝗼𝗱𝗲𝗹𝗯𝗮𝗮𝗻 was ’n groot gunsteling, en by die 𝗥𝘂𝗽𝗲𝗿𝘁 𝗠𝗼𝘁𝗼𝗿𝗺𝘂𝘀𝗲𝘂𝗺 het almal verstom gestaan – veral toe hulle die motor sien waarin Nelson Mandela self gery het. Die 𝗧𝗮𝗮𝗹𝗺𝘂𝘀𝗲𝘂𝗺 𝗲𝗻 𝗧𝗮𝗮𝗹𝗺𝗼𝗻𝘂𝗺𝗲𝗻𝘁 het nuwe trots op Afrikaans laat opvlam, terwyl die stap deur 𝗕𝗮𝗯𝘆𝗹𝗼𝗻𝘀𝘁𝗼𝗿𝗲𝗻 se tuine ’n rustige blaaskans vol kleur en geur gebring het. Die toer is afgesluit met ’n bootrit by 𝗛𝗼𝘂𝘁𝗯𝗮𝗮𝗶 – vir sommiges ’n avontuur op oop see, en vir ander… dalk ’n bietjie ’n wiegende ervaring!

𝐷𝑖𝑒 𝐺𝑟𝑎𝑎𝑑 7’𝑠 𝑤𝑖𝑙 𝑔𝑟𝑎𝑎𝑔 𝑣𝑖𝑟 𝑜𝑜𝑚 𝐽𝑜ℎ𝑎𝑛 𝑁𝑖𝑒𝑢𝑤𝑜𝑢𝑑𝑡 ’𝑛 𝑔𝑟𝑜𝑜𝑡 𝑑𝑎𝑛𝑘𝑖𝑒 𝑠𝑒̂ 𝑣𝑖𝑟 𝑠𝑦 𝑙𝑎𝑎𝑠𝑡𝑒 𝑡𝑜𝑒𝑟 𝑠𝑎𝑎𝑚 𝑚𝑒𝑡 ℎ𝑢𝑙𝑙𝑒. 𝑆𝑦 𝑙𝑎𝑔, 𝑝𝑙𝑎𝑛𝑛𝑒 𝑒𝑛 𝑘𝑎𝑙𝑚 𝑏𝑒𝑠𝑡𝑢𝑢𝑟 𝑔𝑎𝑎𝑛 𝑏𝑒𝑠𝑙𝑖𝑠 𝑔𝑒𝑚𝑖𝑠 𝑤𝑜𝑟𝑑.

Wat ’n wonderlike afsluiting van die laerskooljare – herinneringe wat vir altyd sal bly!